منتج للعناية بالبشرة من رين : serum omega 3 REN

سلام بنات 

شلونكم انشاء اله بخير ؟!

من زمان ماكتبت بالبوق لكن راح ارجع اكتب وفي بالي اكثر من شغله جربتها باقولكم عنها

أول شي باقولكم عن هذا الشي اللي اسميه اختراع من جد 

مريت بفتره ضغوط وشغل ومن الطبيعي جدا إذا أرهق الجسم بزياده يتعب وتبان على وجهه فكنت محتاجه شي يرجع نضارة بشرتي ويبينها طبيعيه .... من هنا بديت اجرب بلاوي وبلاوي ولالقيت النتايج اللي ترضيني إلين جا اليوم اللي اكتشفت فيه سيروم اوميغا 3 من شركة رين وهذا هو شكله فوق

رين شركة بريطانيه يميزها عن باقي الشركات ان جميع منتجاتهم مصنعه من مواد طبيعية بدون إضافة أي مواد كيميائيه .. 

وهذا لحاله يحمس إنك تستخدمين شي طبيعي إن مافادك مابيضرك أقل شي ومن الفوائد المعروفه للاوميغا 3 للبشره وهي كالتالي للي مايعرف : 

* يعمل على تجديد خلايا البشرة وتوحيد لونها 

* يعمل على تنعيم البشرة ونضارتها 

* له اثر فعال في علاج حبوب الشباب

* تساعد على علاج الصدفيه وتحسس البشرة 

* الوقاية من أشعة الشمس الخطيره مما يساعد على حمياة البشرة

نرجع نتكلم عنه المنتج

المنتج عباره سيروم ملمسه زيتي خفيف مائل للاصفرار لايوجد له رائحة تذكر ضغطتين منه تكفي للوجه والرقبة يناسب جميع أنواع البشرات 

يوعدنا المنتج بترطيب وتنعيم وتغذية البشره 

قلت لكم سبب استخدامي له فوق الحين جي لطريقة استخدامه :

يوضع على بشرة نظيفة تماما استخدم غسولي اليومي وبعدين اخذ منه ضغطتين وأبدا أوزعه على الوجه والرقبة مع مساج خفيف عشان تمتصه البشره ننظر من 3 الى 5 دقايق وبعدها احط كريم مرطب عادي انا استخدم سيتافيل 

انطباعي عنه وهل يستحق الاقتناء ؟ 

صار لي قرابة الشهرين ستخدمه بشكل يومي اللي لاحظته ياجماعة الخير بشرتي بدت تصفى من أول اسبوع وبعد الأسبوع صار يبين عليها النضارة اللي كنت أدورها من زمان ويالله لك الحمد 

نعم يستحق الاقتناء أثبت نفسه بجدارة من بين مجموعة كبيره من منتجات العنايه بالبشرة . 

وعني شخصيا بارجع اشتريه مره وثنين وثلاثه  

وين نلقاه وبكم سعره ؟! 

أخذته من صيدلية أدمه بالرياض سعره 149 ريال والعلبة تكفي من 5شهور الى 6 

تاريخ الانتهاء صالح للاستخدام من فتح العلبه لمدة 9 شهور  

وهذا كل شي بالنسبه للسيروم وانشاء الله أكون أفدتكم 

أسي استفسار حطو لي بالكومنتات تحت وانشاء الله راح ارد على الجميع