السلام عليكم ورحمة الله وبركاته
الماجد من المحلات اللي تتميز بانواع جيدة من البخور والعطور باسعار متميزة ايضا
عارفين الفترة الاخيرة الماجد للعود عندهم عرض #تستاهل تاخذين منتج ويعطونك الثاني هديه من نفس النوع سواء على البخور او العطور ( منتجات مختاره ) مو كل المحل
في موضوع اليوم باوريكم وش اخر مشترياتي منهم
ووش الاشياء اللي انصحكم فيها من عندهم من خلال تجاربي السابقه
اخذت عطر راما
ريحته شرقيه بس ماهو عود ولاعنبر وحلوه
وهالمره غيرت عن الدخون الفاخر واخذت دخون الشيوخ
علبته فاخره وكبيره وتكفي شهووور وشهور سعره 150 واخذت علبه مجانيه
معطر مفارش الفخامه
ريحته فخمممه وحلوه سعره 60
وش الاشياء اللي جربتها من الماجد وحبيتها غير اللي فوق
- معطر مفارش وهج اروع معطر عندهم
- عطر شجون استخدمته استخدام شخصي رائع جدا وكمان للسجادات الصلاة مجنون ( مزيج فخم وفيه فانيليا )
- ودخون فاخر
- والعنبر ماهو مبشور يجي مثل الاصبع في كيس بلاستيك ب 10 ريال اخذه وقت التخفيض هذا بس خذيه وحطيه في درج الملابس الداخليه او ملابس النوم يخلي الدولاب يفوح عنبر
- معمول العروسه للشعر يجنن
مشتريات زهور الريف
والله انا احب روائح زهور الريف لكن للأسف ماقد ثبتت ريحة عطر غير الكاميليا ونيبتون ومن زممممممان كنت استخدمهم
والحين احب استخدم الفواحات بس ونادرا العطور
اخذت قوتشي عنب ريحته سويت و زهور فرنسيه باااردة وتجننن ريحتها
سعر التوبه 35 ريال
وخلص البوست انشاء الله تستفيدون منه وتحبونه
دمتم بحب
