يامساء الخير والنشاط والتفاؤل
تكلمت قبل فترة عن التخطيط وتحقيق الاهداف في السناب وجتني اسئله كثير عنه فقررت اترك كل كلامي في تدوينه موثقه لكم لو بغيتو ترجعون لها في اي وقت
النقطة الاولى : التخطيط هي وسيلة لتحقيق كل مايخطر في بالك
اعتبر التخطيط شيء مهم في حياتك العمليه او العلمية او العائلية والاجتماعية والماديه أيضا
أي شي مهما استصغرناه لو رتبناه بيكون مريح والحياة بتكون سلسة
على سبيل المثال :
نسمع دائما كلمات مثل طفش , ملل , تعب , وأنواع أخرى من التذمر
بس لو انت استغليت وقت مللك بأي شيء مفيد راح تستفيد على المدى البعيد وتبني لك حياة مرتبة بدون ماتحس لأنها بتمشي معك مثل الروتين ..
بس لو انت استغليت وقت مللك بأي شيء مفيد راح تستفيد على المدى البعيد وتبني لك حياة مرتبة بدون ماتحس لأنها بتمشي معك مثل الروتين ..
من الطبيعي جدا إن أي شخص يطفش ويمل ويتعب من ظروف وعوامل الدنيا إذا مالم يكن عنده أي هدف أوغاية
دائما أقول مافيه شي دائم لا العمل ولا الإجازة ولا السعادة ولا الحزن والطفش أو الملل
كذا هي مطبات تمر على الجميع
دائما أقول مافيه شي دائم لا العمل ولا الإجازة ولا السعادة ولا الحزن والطفش أو الملل
كذا هي مطبات تمر على الجميع
كيف بتعيش اذا أنت طفشان دائما ؟
لو بحثتي عن هواياتك وركزتي شوي في حياتك ونوعتي شغلك اليومي ورتبتيها بيكون فيه اكشن شوي وماراح تملون وتطفشون وفي نفس الوقت إلا ماتطلعون بفائده حتى لو بسيطة مع استمرار الوقت
لاأقصد العمل بمعنى العمل ويكون مثل الحمل على أكتافكم
لا. أقصد أعمال بسيطه تدخلها في روتينك وتكون بسيطه منها تحقق فائده ومنها تنوع في يومك طبعا غير الدوام سواء موظفه أو طالبه أو ربة منزل
لاأقصد العمل بمعنى العمل ويكون مثل الحمل على أكتافكم
لا. أقصد أعمال بسيطه تدخلها في روتينك وتكون بسيطه منها تحقق فائده ومنها تنوع في يومك طبعا غير الدوام سواء موظفه أو طالبه أو ربة منزل
مثلا:
- نعرف شقد الرياضة مهمه , ليش ماتدخلينها في يومك وتمارسينها من 30 دقيقه لساعه
- أو قراءة الكتب , يحاول يختار كتابين او ثلاثة حاب يقرأهم ويركز عليهم في شهر او شهرين وبعدها يبدل ويجيب كتب جديدة وماهو شرط تجلسين ساعات شكثر تقرين ممكن ربع ساعة في اليوم بس
- أو شخص مثلا حاب يتعلم شي جديد مايعرفه , لغة , دورات رسم , دورات في البرمجة والحاسب , يبحث عن معاهد ويروح يتعلمهم
من الناحية الاجتماعية أيضا تختارون يوم الويكند تجتمعون فيه مع العالم اللي تحسونهم قريبين منكم اصدقاء , اهل , اي شخص
** يعني مثل كذا فيه مفاهيم صغيرة لازم نغيرها في بالنا
الحين فيه خطوات مهم تتبعونها من اجل التخطيط :
1- تحديد الاهداف
2- وضع الخطة المناسبة
3- تحديد وقت لإنجاز الهدف
4- البدء في تنفيذ الخطة والالتزام فيها , حتى لو خبصتو سو ريفريش وارجعو حاولو وكملو على نفس الخطة
5- المكافئات
بأعطيكم مثال على الخطوات اللي فوق تسهل لكم فهمها :
مثلا : فتاة تعاني من زيادة الوزن تبي تنزل وزنها 7 كيلو هذا هدفها
حطت لنفسها خطة من ناحية الاكل والرياضة وحددت وقت لإنجاز هدفها أربع شهور وبدت تنفذ خطتها
بعد المدة اللي حطتهاالفتاة لنفسها لقت انها فعلا قدرت تنزل السبعه كيلو اللي مضايقتها هنا يجي وقت المكافئة
الفتاة ممكن تكافئ نفسها بشراء لبس جديد تنبسط فيه بما أنها نحفت
او ممكن تعزم نفسها على كيك لانها كانت في حمية وماتقدر تاكله
وهكذا خلصت هدفها الاول تجي تركز على هدف ثاني بعده
والأهداف تختلف من وحده لوحده والشاطر اللي يعرف لنفسه قبل فوات الاوان
النقطة الثانية: وهي ترتيب الوقت
كل شخص له طريقته في ترتيب وقته
أنا أفضل طريقة الكتابة سواء بورقه أو نوت على جهازك اهم شي نخلص شغلاتنا
ابدأ ب 5 أعمال تسويها في يومك بجانب الاعمال الروتينيه
واوضاعك بتمشي تمام
بكذا وضحت لكم مثال على التخطيط وبينت فكرة ترتيب الوقت اتمنى تستفيدون منها
وارجع اذكركم بنقطه كلنا مسؤلين عن وقتنا وعمرنا في ماأفنيناها
مش كل شيء بالحياة لعب وفلة
فيها جانب آخر لازم تكتشفه وتعيشه
فيها جانب آخر لازم تكتشفه وتعيشه
** ملاحظة : استغلو التقنية بطريقة صحيحة للأسف فيه ملايين ماخذينها لعب بس يااخي أو ياأختي حرام عليك معك جهاز بمبلغ وقدره وفيه جميع البرامج اللي ممكن ترفعك فوق وتنزلك تحت
تابعو ناس في السوشال ميديا مختصين بالتخطيط والله راح يتغير فكركم للأفضل
..
شاركوني تجاربكم على انستا : _njodicon@
أو السناب تشات : jody-49
دمتم بحب
