السلام عليكم ورحمة الله وبركاته
عدت لكم بموضوع جديد ان شاء الله يفيدكم
قربت الإجازة والسفريات ،الجمعات ،المناسبات وكعادة أي بنت اغراضنا كثير
انا شخصيا احب اقلل اغراضي في السفر قد مااقدر
قبل فتره سألتكم سؤال ع السناب تشات
لو خيروك تآخذي جهاز واحد للشعر في سفرتك او باي مكان و ش بتاخذي ؟
الأغلب قالو ستريت ومنهم قالو فير
راح اقترح اليوم عليكم جهاز 2X1 ستريت وفير في وقت واحد
الجهاز من شركة فيليبس وفيه مثل الزر من الاعلى ويعتبر اداة التحول
بمجرد ماتغيرين الاتجاه للزر اللي فوق راح يتحول الجهاز الى استريت
الجهاز له درجات حراره متنوعه تقدري تختاري اللي يناسبك منها
حرارته عالية جدا وممتازه
يعطي نتائج حلوة سواء في الستريت أو الويفي
لكن فيه عيب واحد يبقى ساخن بعد ماتطفينه لفترة تقريبا ١٠ دقايق وكمان من ضمن العيوب لو تضغطي بقوة ع الشعر ممكن يتساقط مااعرف او يمكن لانو انا شعري اساسا يتساقط
اخذته من إكسترا سعره بحدود ٢٠٠ ريال وكان عليه ضمان سنتين
لي ثمان شهور استخدمه ممتاز ومره مناسبني
شرايكم حبيتو ؟
شاركوني ارائكم وتجاربكم هنا و في الانستا كمان _njodicon@
دمتم بحب جميلاتي
