صبح صبح للسهرانين اللي مثلي
بوست جديده عن منتجات خلصتها في الفتره اللي راحت
أتحمس اذا شفت منتجات كثير مخلصتها
نبدأ بسم الله
هنا مرطب فازلين سبراي اند قو المرطب عباره عن بخاخ تحطينه إذا كنتي مستعجله ووقتك ضيق
ترطيبه جميل يستمر إلى 6 ساعات اللي عندي بالصبار
يخلص خلال شهر إذا ترطبين كثير فيه
سعره بحدود 20 او 30 من التميمي
شاور جل من لايف بوي المضاد للبكتيريا كثير اعلاناتهم قلت خلنياجرب شي جديد علي
عادي مايرطب ولايجفف جفاف قوي جفاف طبيعي مثل الشاور جل الثانيات
بس فعلا أحس ينظف من قلب
ريحته مدري كيف ماهي سويت ولاحامض ولاورد ولافاكهه بس مقبوله ههههههه
مكتوب انه حماية الفيتامينات a,c,e المغذيه للبشره واكتيف 5 المكون للحمايه من 10 جراثيم مسببه للعدوى
من الصيدليه مااذكر سعره بحدود 25 اتوقع
كريم العناية بالقدمين من هيمالايا
علاج فعال لجفاف وتشقق الكعبين يساعد في تنعيم القدمين
من مكوناته : شجر السال . الحلبه . الكركم
ريحته حدث ولاحرج مرررره شينه
مفعوله أتعب وأنا أقول يهبل
تخيلو تركته مره وانا مسافره أول مره أسمع صوت رجليني في شرشف الصلاه كرهت نفسي
ترطيبه 10 من 10 اما في إزالة التشققات مالاحظت فرق كبير لكن يرطب القدم بحيث حتى لو كان عندك تشققات ماتبين من كثر مايلينها
يمكن مع الاستمرا يخفيها
يستاهل يكون عندك واذا شفتيه لاتتركينه خذيه على طول وجربيه
من الصيدليه بعد وبنفس حدود الاسعار اللي قبل يمكن ب 25 ريال
بودي لوشن MANGO TEMPTATION من فيكتوريا سيكرت Vectorias Secret
وصف المنتج انه الترا مسترايزر يعني عميق الترطيب ويستخدم للجسم واليدين
وصف الريحه : ريحته غريبه تحسين مانجو ورد باختصار سويتي
ترطيبه يبقى لمده طويله ورائحته فواحه وحلوه
مدعم بالفوكادو وزيت اللوز والعسل لترطيب أعمق
تتشربه البشره ومايدبق
شعور نظافه واحساس جميل
استخدمه في الشتاء اكثر بما أن ترطيبه مكثف
بالزبط نفس لوشن باث اند بودي وركس بس أكثر ترطيبه منهم
سيتافيل كريم ومرطب
غير معطر للبشره الجافه والحساسه
من أفضل 3 مرطبات استخدمتها لبشرة وجهي
ترطيبه عميق وماهو معطر اقدر احطه وانا مرتاحه على وجهي
احيانا اذا صار حساسيه في جسمي استخدمه بدل المرطبات المعطره
سعره في ال 70 من الصيدليات
وفيه الكبير مره اوفر يجلس 3 شهور ب 140 تقريبا
بيوريه
لصقات التنظيف العميق للمسامات تتشبث بالأوساخ وتسحبها من أجل تنظيف اعمق
منه للأتف فقط ومنه للأنف والجبهه
اللي تعاني من الرؤوس السوداء تستخدمها باستمرار
استخدمها شخصيا مرتين في الشهر تقريبتا
مهما اذ ارجه لبيوريه مره اثق فيها تنظف بقوه
فيه 9 شرايح وسعرها 24 ريال
مرطب QV ثاني افضل مرطبات البشره لوجهي بعد سيتافيل
مناسب لجميع انواع البشره بمافيها البشره الحساسه
خالي من العطور
خالي من المواد الملونه
ترطيبه اخف من سيتافيل ومع ذلك يرطب من قلب سيتافيل جدا عميق للبشرات الجافه اكثر
تتشربه البشره بسهوله
سعره مثل سيتافيل
فرشاة التنظيف للوجه والجسم من سيجما
تهبل مره تنظيفها يجنن والتقشير ايضا
يجي معها 3 فرشاه لها لكن للأمانه مااستخدم إلا وحده
اول مااستخدمتها طلعت لي حبوب
وبعدها صارت تنظف بشكل كبير من الزيوت والمكياج وكل شي
لكن للأسف انقطعت من السوق وماعاد تنباع واللي عندي ودعت من فتره
غسول نسائي للمنطفه الحساسه سافوريل تكلمت عنه قبل
أفضل شي استخدمته طول الفتره اللي راحت هو بلسم الجسم من نيفيا
بلسم للجسم يستخدم اثناء الشاور بعد ماتغسلين جسمك بالصابون توزعينه على جسمك وتغسلينه بالماء وتجففين جسمك
مايحتاج ترطيب بعد يعتبر مثل المرطب بعض الاحيان البس وامشي واذا لي مزاج استخدمن لوشن الجسم من نيفيا ايضا
الاثنين مع بعض يرطبون لمدة يومين بدون مبالغه
فيتامينات للشعر والأظافر والبشره تكلمت عنها قبل
مجموعة الشامبو والبلسم من فاتيكا تفتن شركة فاتيكا
جربت هالنوعين واللي لاحظته تنظيف الشعر وترطبه بشكل واضح
اما التساقط وكذا مالاحظت شي منها
سعرها حلو وتطول اهم شي
مايونيز الشعر ايضا من فاتيكا يوضع قبل الشامبو يابنات ركزو على هذي النقطه
تبللين شعرك تحطين من المايونيز وتتركينه 3 دقايق وتغسلينه وبعدها الشامبو
يعطي حيويه ولمعه للشعر ويمنع التساقط بنسبه 30%
ومنه انواع متعدده
بخاخ للشعر من SYOSS يحمي الشعر من الحراره
فاااشل بكل ماتعنيه الكلمه من معنى
ريحته سيئه
مفعوله ابدا مو كويس ماء وريحه فقط احسه
اذا استخدمته يلزق شعري على السيراميك واحسه يحترق ويقصف الشعر
من الصيدليه مدري كم سعره ناسيه
نجي لمنتجات الميك اب والعطور
عطر فيفا لا جوسي من جوسي كوتور
عطر نهاري خفيف ومنعش وثابت لفتره طويله ريحته فانيلا وتوت خفيف وورد
فواح اول ساعه بعدها يخف ولكن ثابت
ينفع لطول اليوم ماعدا اذا عندك سهرات
انا اخلطه مع عطر لوكستيان بالروز
احس بالانتعاش اذا استخدمته
اخذته من وجوه ب 370 اتوقع
عطر ريتاج من محلات الماجد للعود والعطور
ريحته غرريبه صدق تحسون قوي وخفيف في نفس الوقت
ينفع للصباح والمساء بنفس الوقت
ثابت وفواح
مرات استخدمه لنفسي ولسجادات الصلاه وللغرف ولكل شي هههههههه
احساس نظافه وفخامه بالذات مع البخور احس عيد خلاص
سعره 70 بس ويستاهل كل ريال فيه
معطر غرف من باث اند بودي ووركس اسمه Carbbean Escape ريحته حلوه بس فيه عيب قوووووي
اذا بتستخدمونه يادوب رشتين بس
يكتم الجو بشكككل فضيع
سعره 45
سي سي كريم من ماكس فاكتور تكلمت عنه قبل
زيت من بالمرز للبشره بزبدة الكاو وفيتامين e برائحة الورد
ريحته ريحة زبدة كاكاو بالمرز مخففه تختفي ماتطول
ترطيبه فعال ويستمر طويل
مالاحظت يعالج مشاكل بس ترطيب جميل
حجمه صغير سعره 15 ريال
طريقتي استخدمها بعد الاستحمام وبشرتي رطبه
يحافظ على الترطيب طول اليوم
الزيت الساحر من لوريال تكلمت عنه
ماسكار من سيفورا تكلمت عنها في الانستجرام
حلوه وسعرها حلو
لكن ماتطول بعد شهر ونص تقريبا تجف واذا حطيتها على العين تبدا تجف وتتساقط على الجفن الاسفل وتعدمك
لكن قبل الشهر ونص ممتازه
تطول الرموش وتكثفهم
من سيفورا بالزبط ماني متذكره سعرها
هنا ياجماعة الخير سافرت ونسيت بودرة حواجبي واضطريت اشتري شي تمشية حال
مدحت لي الموظفه هذا الشي سعره 50 ريال وعباره عن بادور
فيه 3 درجات تفي بالغرض
للتسف مامداني اوصل الفندق الا واحد مكسور وعدم ابو الدنيا علي
اذا حطيته احس بحكه في الحاجب يقرررص
مايستاهل ريال واحد بس فرشاته حلوه شوفوه هنا
صرت استخدمها مع اشياء ثانيه
زيت فواحه من Adore اسمه Sunrise Lagoon زيت عطري يغلب عليه رائحة الزهور سعره ب 25 ريال
من هوم سنتر
ماتطول ريحتهم بمجرد مااطفي الفواحه تختفي
شمعة الغفوه من باث اند بوودي ووركس ريحتها عشششق بالاخص في ليالي الشتويه
خلصت منتجاتي انشاء الله تستفيدون منها
