السلام عليكم جميليني
بوست اليوم من سلسلة منتجات خلصتها حابه اشارككم تجاربي ورأيي فيها
مجموعة شاورجل
من اليمين غسول طبي يناسب اغلب انواع البشرة مرره لطيف وكميته كبيره يكفي لمدة طويلة والاجمل انه يستخدم للوجه والجسم
من iherb طلبته سعره 20 ريال
لو حابين تطلبون هنا على طول skin cleanse
شاور جل ايضا من افين بدون اي ريحه اخذته ايام الحج حلو ولطيف على البشره يستعمل للوجه والجسم ايضا
احساس الانتعاش بعد ماتستخدمينه لكن لازم ترطيب كنت استخدم الكريم من نفس الماركه بعد لانه بدون ريحه طبعا وكان ممتاز
شاور جل بالزبادي من فا ريحته حلوه وناعم على البشره
ديتول وبرجوا والله حرام فيهم الريال هذولي حاله خاصه تحسين جسمك بعد ماتتحمين فيهم حراشف
تخلي الجسم ناشف لابعد درجه مره ماناسبتني
بلسم الجسم من نيفيا
بلسم للبشرة من نيفيا بعد الاستحمام تدهنين جسمك فيه وتشطفين بالماء هذا رووووووعه بجميع انواعه يوم اكون مستعجله احطهم ولاارطب جسمي بعدهم ممتازين ترطيبه في الجسم يبقى يومين بالذات الازرق
لوشن للجسم
لوشن الجسم من باث اند بودي ووركس
هذي كريم قوامه ثقيل يرطب من قلب ويجلس ترطيبه 6 الى 7 ساعات
غير الروائح اللي تجنن
سكروب للجسم
سكروب للجسم من باث اند بودي ووركس
حبيباته كبيره وحلوه بس ضروري وانتي تقشرين جسمك ماتجلس المويه تنزل عليك لانها بتذوب وتروح ولااستفدتي شي منها
انا ماناسبني ولاحبيته فيه افضل منه
تونر ديرموفيفا
تونر للبشره ديرموفيفا هذا من افضل اللي جربته الفتره اللي راحت
موجود في اي سوبر ماركت سعره ب 7 ريال
اغسل وجهي واممر التونر بالقطنه على وجهي والرقبه ينظف كل شي ولايبقي اي شوائب
منتجات مختلفه
من اليمين لوشن سائل من لاروشيه لتفتيح الاماكن الغامقه بالجسم الماركه معروفه وقويه وغاليه لكن للأسف النوع اللي فوق مامنه اي فائدة وخسارة عليه
كريم شول لتشققات القدمين قوامه ثقيل وريحته شينه لكن مفعوله ممتاز ويرطب
اخر واحد مرطب شفايف من ducray يرطب بعمق لكن فيه عيب ينزل مثل الزيت لازم اعصر فيه وارجه قبل لاحط منه لكن رائع
اخيرا وليس اخرا عطر مسك الجسم من عبدالصمد القرشي
نظااافه وبارد ومنعش واحبه
عيوبه مايثبت اكثر من 5 ساعات ومميزاته علبته صغيره تقدرين تاخذينه بشنطتك وانتي طالعه لأي مكان وتقدرين تستخدمينه على جسمك مابيأثر
اتمنى تستفيدون من البوست
شاركوني في الكومنت وفي انستقرامي _njodicon@
دمتم بحب
