السلام عليكم ورحمة الله وبركاته
انا تعودت لي فتره استخدم في النهار كريم الترطيب كيو في QV باتكلم عنه الايام الجاية انشاء الله او سيتافيل Cetaphil سبق وتكلمت عنه في الانستقرام شوفو على #عناية_نجود
قريت عن هالمنتج من لوريال وهوعباره زيت للوجه
توعدنا شركة لوريال بنتائج مذهله وواضحة وكمان توعدنا بأن هالزيت يمد اللبشرة بالترطيب والنعومه ويزيد من إشراقها
بصراحه اللي خلاني اتحمس واجرب الزيت كمرطب هو سيروم اوميغا 3 اعطاني نتائج مبهره قلت يمكن المفعول في الزيوت والسيروم اكثر من الكريمات هههههههه
ع العموم نجي لمكونات الزيت
يتكون من 8 زيوت غنية
1- زيت الورد
تجديد الخلايا , يؤخر علامات الشيخوخة , تلطيف البشرة ,يحافظ ع البشرة من تأثيرات الشمس المضرة
2- زيت البرتقال
يعالج تشقق وجفاف البشرة , يعزز إنتاج الكولاجين وتدفق الماء الى البشرة , يعطي البشره نضاره وحيوية
3- زيت اللافندر
حماية البشره من اشعة الشمس
4- زيت البابونج
يخفف من اثار الحبوب والندبات
5- زيت الجيرانيوم
يقي البشرة من الجفاف , التخلص من حب الشباب
6- زيت الروزماري ( اكليل الجبل )
تنقية الجلد والبشرة
7- زيت البردقوش
مقاوم البكتيريا والجراثيم
8- زيت الافندن
يحافظ على الكولاجين في البشرة
انطباعي عن الزيت :
صار لي 3 اسابيع استخدمه مرتين في اليوم مره في الصباح ومره في الليل
ممكن تستخدمين في المساء بعده اي كريم حابته او لوحده
بشرتي صارت معاه مترطبه ونديَه
* اشياء حبيتها :
العلبه غطاه عباره عن قطره حبيت اقدر استخدم الكميه اللي ابيها بدون زياده اونقص
خفيف جدا ماحب اي كريم او زيت ثقيل على بشرتي يحسسني انها مكتومه
مدة صلاحية المنتج طويله < مره يهمني لان كثير اشياء مدتها قصيره تعقدني
كمان شي مهم لاحظته اذا استخدمته قبل المكياج
الفاونيشن يصير سلس ويندمج بسهوله معاه أعجبتني النتيجه وصرت اعتمد احطه قبل المكياج عشان يرطب بشرتي وفي نفس الوقت حبيت شكل المكياج بعده
* عيوبه :
مالاحظت إشراقه للبشره من استخدامي له
مايناسب البشره الدهنيه لأن عندي منطقه دهنيه في وجهي ماحبيته لما احطه عليه تدهن اكثر بس في المناطق الجافه عجيب
طريقة الاستخدام :
بعد تنظيف البشره كويس حطو كم نقطه تناسبكم وتقدر تغطي بشرتكم
انا احط من5 الى 7 قطرات بطريقة الطبطة على كامل الوجه ثم اعمل مساج عشان يتوزع اكثر
حجم العلبه : 30 مل
كبير حجمه على الاستخدام ( التنقيط ) ومدة صلاحيته سنه ونص من فتح العلبة
أماكن وجوده وسعره :
بوتس والسوبرماركت انا اخذته من بنده سعره 93 ريال
أتمنى حبيتو البوست
يسعدني تواصلكم معاي
انستجرام :
_njodicon @
ايميل :
njodicon@gmail.com
دمتم بحب
