السلام عليكم ورحمة الله
قبل يومين كثير بنات طلبوني اتكلم عن فاونديشن ايرفلاش ديور
وبالفعل بيكون بوست اليوم عنه باخبركم بمعلومات اكثر عنه + رأيي فيه وتجربتي معاه وانطباعي عنه
المعلومات اللي سمعتها عنه حسب اراء الغير :
تغطيه كامله ( FULL COVER )
يدوم فتره طويله جدا
يناسب كل أنواع البشره
متعدد الدرجات والألوان تقريبا فيه 10 درجات
وهنا جميع الألوان المتوفره منه
بسم الله ابدا
اول شي كانت عندي مناسبه مهمه وقريبه وكنت محتاره بين استي لودر او ديور ايرفلاش
تعبت ادور استي لودر كله سولد اوت وقررت اني اخضع للأمر الواقع وأجرب ديور مع اني ماكنت مقتنعه فيه تماما
أخذته : من دبنهامز ب 290 ريال
حجم العلبه : 70 مل
الدرجه : اخترت درجة 300 ميديم بيج
التغطيه : صدمتني وفاقت جميع معايير التوقع اللي كانت في مخيلتي عنه
ممكن تستخدم كخفيفه ومتوسطه وعاليه يرجع لتحكمك كل مابغيتي يكون أثقل بخي أكثر ووزعيه بالتساوي حتى تحصلين على النتيجه المرضيه
نوع البشرة : يناسب جميع أنواع البشره ماعدا البشره الجافه جدا ( يصير على الوجه كأنه تشقق )
مدة ثباته : يدوم فتره طويله جدا مقارنه باي فاونديشن آخر من 7 ساعات إلى 10 ساعات
لاحظت تغطيته للجروح وآثار الحبوب والندبات القديمه والاحمرا والارهاق وحتى الحروق بنسبة 65%
هنا سواتش من النت
واضح كيف بين البشره بطريقه صحيه أكثر واخفى الللون الاحمر الموجود على الخدود
التغطيه في الصوره خفيفه جدا ممكن لو كانت متوسطه راح تكون أفضل
طريقة استخدامي له :
مكتوب على الكرتونه قومي بالبخ على شكل حرف Z على كامل الوجه
ماطبقت الطريقه المكتوبه
حبيت اجربه بطريقتي اللي اكون مرتاحه لها
انا أرج العبوه وأبخ ضغطه ضغطه ع الخدود والجبين والذقن على بعد مسافه وابدأ اوزعه بفرشاة سبلينق من ريل تكنيك أو بأصابعي أفضل أوزعه بأصبعي أكثر من الفرشاه او الاسفنجه
هنا توضيح للمسافه المفروض تكون على بعد من البشره
كنت خايفه من السبراي احس بيكون كثير بطريقة البخاخ ع البشره بس بالعكس مره حبيته يعطي كميه حلوه مره وماعطاني المنظر الكيكي اللي كان مخوفني
مميزاته إضافيه :
- يعطي طابع أن البشره صحيه
- بين المات والديوي مدري كيف ممكن اذا حبيتيه يكون ديوي اكثر او لامع تبخين فكس من ماك كخطوه اخيره من الميك اب او اذا حبيتيه مات أكثر تثبتينه ببادور
بس حبيت يكون بين المات والديوي
- السبراي يعتبر ميزه لان المضخ نفسه يعطي كميه شوي معقوله للتوزيع ويسمح لك بالتحكم اذا بغيته خفيف او ممكن تزيدين عليه للتغطيه العاليه
ممكن تشترونه أيضا من سيفورا أو فيسيز
هذا كان ريفيو اليوم وانطباعي عنه ان شاء الله يفيدكم
شاركوني ارائكم وتجاربكم تحت او على الانستجرام
_njodicon@
دمتم بحب
