هيلو .. صباح الخير على الجميع
شخباركم حبايبي
ونبدا مع اول شي متحمسه له
كريم لمنطقة حول العين من لاورشيه بوسي
مع السهر ولخبطة النوم والاكل حدث ولاحرج عيون الباندا صايره ههههههه
ديودرنت من فيشي جربته قبل ماحبيته وراح ارجع اعطيه فرصه ثانيه واخبركم عنه
اهم شي واقي الشمس من بعد ماكنت ضحيته في فترة من الزمان صرت لازم اجيبه واستخدمه سواء صيف او شتاء
هذا اول مره اجربه من لاروشيه بوسي
شاورجل منوعه من فا سمعت عليها مدح والعالم طايره فيها قلت نجربها وبرجوا اخذته عشان شكله , ريحته حلوه باقي اجربه
من زمااااان بخاطري اجرب شي من VLCC وجا الوقت اخترت غسول ومقشر للوجه بالرمان والالوفيرا
تونر من ديرموفيفا يقولو يعطي نضاره وتفتيح ويعتبر منظف ايضا
يناسب جميع انواع البشره
بس والله شكله لفت انتباهي التعليب حبيته شكله كيوت وسعره رخيص باقولكم وشهو منه بعد مااجربه
مزيل مناكير من فارمسي احب اخذ منها دايم
هذا الشكل جديد يشبه لتبع فورميلا في سيفورا يكون ضغط من فوق
بس تحطين عليه القطن وتضغطين ويطلع لك المحلول على القطنه
حبيت للسفر ماينكب ويحوس علي
وحجمه كبير
قطن لمزيل المناكير والتونر واي شي ثاني
احب هذا النوع مرا ممتاز
مااحب القطن اللي يتنتف بسرعه اول مايجيه محلول ويهتري هذا متماسك هههههههه
غسول للفم
جربت كولجت وكثير غيره وارجع لهذا النوع احسه افضل شي ناسبني للحين
من ليسترين زيرو
غسول من كيرفري اول مره اجربه
مالقيت النوع اللي انا حابته من سافوريل
خلصتوه عليه كل مااروح صيدليه يقول منتهي
بودي ميست اسمو سبايسي مسك
منعش ودافئ مرا مدري كيف اوصفه
استغربت من ثباتو دايم الي في الصيدليه مايثبتون كثير ابو نص ساعه ويروح
هذا يجلس من 3 الى 5 ساعات وريحتته باقي موجوده
منه اتوقع 6 روائح بس هذا اكثر شي عجبني
صابون مغربي
اخر مره سويت حمام مغربي في البيت من 3 سنين تقريبا
يوم شفته ع الرف تذكرت الأيام الخوالي
قلت بارجع اهتم واسوي حمامات
ولو اني عارفه بيجلس سنه قدام ماانفتح >>
ختامها مسك مع ماسكات بيزلين
فعليا من أروع وأفضل الماسكات الجاهزه اللي استخدمتهم
مره روعه بالإضافه لماسكات هيمالايا بعد تجنن
احب من بيزلين مقشرات الجسم اكثر من الماسكات
من عيوب الماسك نفس الكيس يكفي ل 4 استخدامات ويقهرني اذا بارجع احفظ الباقي منه يحوس علي الدنيا
وبس ياحبايب قلبي هذا كل شي لبوست اليوم
اتمنى يعجبكم وينال على رضاكم
اغلب الشغلات جديده علي ماراح اقدر اقيمها
اللي بيعجبني منهم راح اسوي عنه ريفيو بس اخلصه
شاركوني ارائكم وتجاربكم
_njodicon@ انستقرام
وفي الكومنت تحت
دمتم بحب
