بسم الله الرحمن الرحيم
مساء الخير للكل
بوست اليوم وعدتكم فيه بس اخلص كورس الفيتامين
عمري مافكرت اخذ فيتامينات وكنت اقول باخذها من الأكل بس كله خرابيط مالتزمت بالاكل الصحي ولااخذت منه فيتامينات
فعشان كذا رحت ادور لي مكمل غذائي اقدر اخذ احتياجاتي من الفيتامينات والمعادن
كثير مدحو لي
HAIR , SKIN AND NAILS من شركة NATURES BOUNTY 
المنتج له فعاليه قويه بالنسبه للشعر والاظافر والبشرة وكثير جربوه وتكلمو عن تجربته
لكن استشرت شخص فاهم في الموضوع قال فعلا جميل ومن أفضل المنتجات سابقا لكن الشركه الأم غيرت في التركيبه القديمه وصار فيه أفضل منه
استعنت بالله واخذت برأيهم كان أكثر الفيتامينات المرشحه لي هي
الاول
نهى نبيل مدحته وقالت ان منه نوع آمن للحامل والمرضع وكنت حاطته في بالي
الثاني كان
أخذت الاثنين خلصت كورس واحد والثاني قيد التجربه الحين هههههههه
اللي بانقلكم تجربتي معاه هو WOMEN‘S ULTRA MEGA من GNC
بديت فيه هو بالذات لأن الفيتامينات فيه أكثر من النوع الثاني
فيه فيتامن A و C و D و E و K ,وبيوتين و B6 ,B12 وكالسيوم ومغيسيوم وزينك وفوليك أسيد
طريقة استخدامه
مرتين خلال اليوم مع الأكل
حبته كبيره لونها أخضر ورائحته للأسف سيئه
مايسبب زياددة في الوزن
ولايسبب غثيان الحمدلله
ولايفتح الشهيه
اللي لاحظته بوضوح من خلال تجربتي نبت لي شعر في مقدمة الرأس ويطول الشعر
بالنسبه لشعر الجسم كله خرابيط ماينبت في الجسم شعر ولايكثره فقط في شعر الرأس
استخدمته لمدة 3 شهور عشان اقدر احكم عليه << خذوها قاعدة أي شي حابه تطلع نتيجته مضبوطه لازم تستمرين عليه كحد أدني 3 شهور
للبشره كويس كمان يعطيك رونق
اما للاظافر ماكان نتيجته واضحه مالاحظت انه يقويها لكن في الطول ماشاء الله تطول بسرعه
العبه اخترت الحجم الصغير منها فيها 90 حبة
تكفي ل شهر ونص فقط
انا جبتها من أمريكا
لكن نفسها موجوده في محلات أرمال للفيتامينات
أتمنى يعجبكم البوست وتستفيدون منه
تابعوني على انستقرام : _NJODICON
دمتم بحب
