بسم الله الرحمن الرحيم
ي الله شكثر اشتقت ادون هنا من زمان مو كاتبه شي
بما اننا راح ندخل سنة جديده
حبيت ادون عن افضل منتجات جربتها وحبيتها في سنة 2015
راح ابدي بأول منتج من الميك اب
باليت لوراك برو 2
من اجمل باليتات الشادو اللي استخدمتها
كثير استخدم المات والوان ناتشورال تعطيك لوك طبيعي مرتب مجنون بدون اي زحمه
كتبت عنه من قبل
باليت سليك للحواجب
مكون من جزئين جزء جل وجزء باودر
اللون طبيعي الدرجه اللي عندي ميديم
معاه فرشتين وحده لتحديد الحاجب بالجل المشطوفه طبعا والاخرى لتعبئة الحاجب بالباودر
روووعه مع الميك النهاري والسهرات ايضا
اضاءة ماري لو من ذا بالم
اضاءة لؤلؤيه
عيبها الوحيد اذا عندك مسامات راح تبين كل ماكثرتي منها حيبين المسام اكثر
كونتور فيت من ميبلين
لونه موكا 355
توزيعه سهل
ويضبط نحت الوجه بشكل ممتاز بدون تكتل
أرواج
من اليمين ريفلون واليسار لايم كرايم
اليمين لونه غامق على عنابي طبيعة الروج خفيفه يناسب الدوام والطلعات الخفيفه
شعور حرارة الفكس اول مايجي على الشفايف
هنا سواتش له
واليسار من لايم كرايم اتعب وانا اقول اللون روعه وغريب
شعور حرارة الفكس اول مايجي على الشفايف
هنا سواتش له
واليسار من لايم كرايم اتعب وانا اقول اللون روعه وغريب
بس بمياج اساس وباودر وماسكارا مع الروج هذا قمممة في الانوثة
....
خلصت من الميك اب وبانتقل للبيوتي
من مفضلاتي لسنوات سابقه هذه البودره من اجمل
ريحتها فعلا دهن عود وسعرها 15 ريال
ديودرنت فاي
جميل في الايام الطويله افضل شي جربته بدون مايحسس البشره او يغير لونها ب 11 ريال من الدواء
غسول لاكتاسيد
صعب القى شي يرضيني بالذات للمنطقه الحساسه
من بعد سافوريل ماعاد لقيته صرت ابحث عن كذا نوع الى ان لقيت لاكتاسيد
منعش , خفيف , طبي
اظافر من سينسي
من مميزاته فيها صمغ مايحتاج تحطين انتي
تدوم ليومين بس مااحب ابات فيها
تقدرين تطلعينها وتستخدمينها مره ثانيه بنفس الصمغ
سعرها ب 25
منتج العناية السحري omega 3 serum من ren
تجربتي معاه ورائي فيه كامله
مقشر للوجه مجدد ومنعم بالجوز
رائع جدا يقشر الجلد بسرعه
حبيباته كبيره نسبيا لذلك تقشر بسرعه
في نفس الوقت مايسبب جفاف
اخذته من نزيه ب 14 وموجود في الصيدليات ايضا
مناكير
على اليمين مناكير بيضاء تجنن من فورملا اكس اسمه WHITE MATTER سعره بحدود الستينات
على اليسار لون عنابي غامق من ELF اسم الدرجة CHERRY BOMB من مميزات مناكير ايلف تنشف بسرعه جاني هديه مااعرف سعره
الشامبو الجاف
تعددت الشركات اللي عملو دراي شامبو وتصدر عندي دوف وغارنيه جميع الشركات
مقارنة بالريحه والمفعول
ماتترك اثر ابيض على الشعر وريحتها منعشه وسعرها مناسب
زيت جونسون للاطفال
استخدمها بعد الشاور اليومي
ترطيبه عميق ويترك جسمك ندي لليوم الثاني
رايحته اعشقها مريحه للاعصاب ودافيه
اخر منتج للسنة
عطر اولمبيا من باكوربان
مااعرف اوصف عطور كثير
لكن العطر اول مااحطه احس بشي من الخيال والانوثه الطاغية
الرائحه الواضحه في العطر رائحة ياسمين والصندل والعنبر والفانيليا ممزوجة بطريقة تعزف على المشاعر
ثباته يدوم طول اليوم وعلى الملابس من 3 الى 5 ايام واكثر
سعره 360 الى 400 اخذته من فيسيز
وبكذا خلصت اخر بوست لسنة 2015
وكل عام وانتو بخير
وانشاء الله سنة 2016 تكون سنة خير وبركة على الكل
شاركوني ارائكم على انستقرام
_njodicon@
دمتم بحب
