مساء الخير من بعد انقطاع
شخباركم ؟ وكل عام وانتم بخير يارب والله يعيده علينا بالصحه
ماشاء الله عليكم بنات ماتوقعت حماسكم لتنسيق العيد ابدا
باكتب لكم التفاصيل كامله في هذا البوست بإذن الله
في العيد اتحمس البس فستان يمكن عادة اكثر من تنوره او بنطلون
وكان في بالي اللون الاصفر وجلست ادور عليه بدون مبالغه طول الشهر لين فقدت الامل
وفي نهاية الشهر طحت على هذا الفستان بالصدفه في ساندرو فيروني
موديله جدا أنيق لأبعد درجه
شخصيا احب القطع الكلاسيك الرسميه الهاديه بقصات مميزه
طويل لونه جميل جدا من تحت سكيني وفيه موديل الكم
ظهره مفتوح من ورا
المحل فرع دارين مول الدمام
سعره 400 وعليها شوي
يحلي الجسم في اللبس
تعمدت تكون طلتي ناعمه وهاديه وخفيفه للصباح والنهار بشكل عام
اخترت شنطه سوداء بذهبي كلاسيك تناسب زيارتي الكثيره في يوم العيد من سنتر بوينت
ماشاء الله فروعه كثير في كل المناطق
سعرها 199
وحبيت الشوز يميزه نقشة جلد الثعبان وتكسر من حدة الاصفر من نيولوك
فرع الظهران مول
سعره مو متذكرته والله
بس الكعب واطي شوي ومريح ويجنن شكله
مااحب اكثر اكسساسوريز اذا الفستان فيه شي ملفت
فاخترت البس
ساعه وحلق
و4 خواتم مفرقه في كل اليدين
بعض الاكسساسوريز من فورايفر 21 وبعضها من كشك
فورايفر موجود في الراشد مول فقط في الدمام فرع واحد
وبس حبايبي هذا كان كل شيء لتنسيق لبس العيد
اتمنى حبيتوه واستمتعتو فيه
** مااحلل اي حساب يعرض صور لي بدون ذكر المصدر
